Velkomin á vefsíðu Ítalíu

Veitingahúsið Ítalía er staðsett í hjarta borgarinnar, að Laugavegi 11. Staðurinn hefur frá árinu 1991 verið í eigu og rekstri þeirra Tino og Fabio sem báðir hafa langa reynslu í veitingarekstri frá heimalandi sínu, Ítalíu. Eins og nafnið bendir til sérhæfir Veitingahúsið Ítalía sig í ítalskri matargerð. Við leggjum mikla áherslu á ferskt og gott hráefni. Á matseðlinum er að finna úrval ítalskra rétta, allt frá forréttum til fisk- og kjötrétta, við leggjum mikla áherslu á pastarétti og pizzurnar hjá okkur eru eldbakaðar.

Aðalveitingasalurinn á 1. hæð tekur um 70 manns. Þar er hlýlegt og notalegt ítalskt andrúmsloft og heyra má ítölsku hljóma úr eldhúsinu. Á 2. hæð er lítill salur og einnig setustofa þar sem notalegt er að fá sér drykk meðan beðið er eftir borði eða að máltíð lokinni. Allar upplýsingar á vefsíðunni eru með fyrirvara um ófyrirsjáanlegar breytingar.

Heimsendingar

Við sendum heim í póstnúmerum 101-108 Reykjavík auk 170 Seltjarnarnes ef pantaðir eru tveir eða fleiri réttir af pasta eða pizzum. Heimsendingar eru í boði á milli kl. 17 og 21 og er hægt að panta í síma 894-4630 eða senda tölvupóst á pontun@italia.is.

Einnig bjóðum við 20% afslátt af öllu á matseðli ef þú sækir. Hægt er að panta í síma 552-4630.

Borðapantanir

Borðapantanir eru teknar í síma 552 4630. Einnig er hægt að senda tölvupóst á reservations@italia.is
Vinsamlegast athugið að ekki er hægt að panta borð eftir klukkan 20:00.